423,91 504.32 5.82
+7 (7172) 757 485 24kz@khabar.kz

Кабулдағы әуежай АҚШ пен Ұлыбритания сарбаздарының бақылауында

  • 201
  • UPD: 09:18, 17.08.2021
Кабулдағы әуежай АҚШ пен Ұлыбритания сарбаздарының бақылауында

Тәліптердің қолына көшкен Кабулдағы әуежай АҚШ пен Ұлыбритания сарбаздарының бақылауында, деп хабарлайды «Хабар 24».

Әуе айлағы шетелдіктер мен шетелде саяси баспана алған жергілікті тұрғындарды эвакуациялау үшін қолданылып жатыр. Бірақ тәліптерден қашқан адамдар қарасы қалың. АҚШ жуық арада ол жерге тағы 500 әскерін аттандырмақ. Қазір онда 2,5 мың америкалық сарбаз бар. Әуежайдағы әскер санын 6 мыңға жеткізуді жоспарлап отыр. Бұдан бөлек Ұлыбританияның 700 жауынгері бар. Франция да адамдарды көшіру үшін арнайы жасағын жіберетінін мәлімдеді.

Ал бұқаралық ақпарат құралдары Кабулдың өзінде жағдай тұрақты екенін хабарлайды. «Талибан» радикалды қозғалысы елдегі барлық адамдарды еш алаңсыз жұмысқа шығуға шақырған. Бұл туралы Катардағы тәліптердің өкілі мәлімдеді. Оның айтуынша, тұрғындар  бұрынғы үкіметке қызмет еткені үшін қорықпай жұмысқа орала алады. Бірақ әйелдер хиджаб киіп жүруі тиіс дейді.

Хабар 24 телеарнасы