Францияның оңтүстігіндегі алапат орман өртіне сөндірілмеген темекі тұқылы себеп болуы мүмкін.
Бұл туралы жергілікті ақпарат құралдары хабарлайды. Айта кеткен жөн, Вар департаментіндегі тілсіз жау бірнеше күн бұрын басталған. 2 адам көз жұмып, 30-ға жуығы жарақат алды. От 7 мың гектардан аса алқапты тып-типыл етті. Осы Вар департаментінде Франция президентінің жазғы резиденциясы орналасқан. Мемлекет басшысы өңірге барып, жағдайды өз көзімен көріп қайтқан.
Флоран Доссетти, өрт сөндіру қызметінің өкілі:
- Отты сөндіруге 1200 маман тартылған. 7100 гектардан аса аумақ өртеніп кетті. Вар департаментіндегі тілсіз жау Францияның оңтүстігіндегі ең алапат 5 өрттің біріне айналды.