423,91 504.32 5.82
+7 (7172) 757 485 24kz@khabar.kz

Кабулдағы әуежай 48 сағатқа жабылды

  • 127
  • UPD: 17:52, 22.08.2021
Кабулдағы әуежай 48 сағатқа жабылды

Кабулда шетелдіктер мен тәліптерден қашқан жергілікті тұрғындарды эвакуациялап жатқан әуежай 48 сағатқа жабылды, деп хабарлайды «Хабар 24».

Өйткені әуе айлағына өткен азаматтарды қабылдап, аттандыруға уақыт керек. Оның үстіне бүгін әуежайға кіруге талпынған халық бір-бірін итеріп, тағы 7 адам көз жұмған. Ал тәліптер жақын арада әуежайға жолды ашып, адамдардың өтуіне мүмкіндік беретінін мәлімдеген. Бірақ қарулы топтар қала ішіндегі бақылауды күшейте түскенге ұқсайды.

Хеджран, Талибан қозғалысының мүшесі:

– Қалада бақылау-тексеру бекеттері орнатылған. Бұл кейбір қаскөйлердің біздің жауынгерлердің атын жамылып, тұрғындардың өміріне қауіп төндіруі себепті қолға алынған шара. Жалпы бұрынғы мемлекеттік қызметкерлердің бәріне рақымшылық жарияланған. Сондықтан олар бұрынғыдай еш алаңсыз өмір сүре алады.

Хабар 24 телеарнасы