425,79 504.32 5.82
+7 (7172) 757 485 24kz@khabar.kz

АҚШ Ида дауылына байланысты екі штатта ТЖ режимін жариялады

  • 106
  • UPD: 14:18, 30.08.2021
АҚШ Ида дауылына байланысты екі штатта ТЖ режимін жариялады

Луизиана штатында ойран салған Ида дауылынан бір адам көз жұмды. Қатты желден құлаған ағаш ер адамды басып қалған. Одан бөлек бір миллионнан астам тұрғын электр қуатынсыз қалды.

Халық саны 400 мыңға жуықтайтын Жаңа Орлеан қаласы қазір түгелдей жарықсыз отыр. Көрші Миссисипи штатында да мыңдаған үйде электр энергиясы ажыратылған. Небәрі бірнеше сағат ішінде желдің жылдамдығы сағатына 72 шақырымнан 230 шақырымға дейін жеткен. Мамандар Ида дауылы Луизиана тарихындағы ең алапат дауылдың бірі деп ескертеді. Президент зардап шеккендерге федералдық көмек көрсетілетінін жеткізді. 

Джо Байден, АҚШ Президенті:

- Бәрі жақсы болсын деп, дұға тілейік. Бірақ жаманға дайын болайық. Өңірге 100-ден астам жедел жәрдем көлігі жұмылдырылған. Қызыл крест және өзге де ұйымдармен уақытша баспана ұйымдастыру мәселесі бойынша жұмыс істеп жатырмыз. Мен Луизиана және Миссисиспи штаттарында төтенше жағдай жариялау туралы құжатқа қол қойдым.

Хабар 24 телеарнасы