425,73 504.32 5.82
+7 (7172) 757 485 24kz@khabar.kz

Өзбекстанның қазақтар тұратын ауылында мәдениет үйі ашылды

  • 144
  • UPD: 12:53, 04.09.2021

Өзбекстанның Төле би ауылында мәдениет үйі ашылды.

Айта кету керек, Қазақстанмен шекаралас аймақта орналасқан елді мекен тұрғындарының басым бөлігі қазақтар. Енді қандастарымыз жаңадан ашылған ғимаратта өздерінің мәдени мұрасын дамытып, ұлттық құндылықты насихаттай алады. Жергілікті тұрғындардың айтуынша, бұрын олар тек мектеп төңірегінде ғана ұйымдастыру шараларын атқарған. Енді мәдениет орталықта өзге де ұлт өкілдерімен етене жақын араласып, татар, түрікмен, ұйғыр бауырлардың да ұлттық құндылықтарымен танысады.

Жалпы қазір Ташкент облысында 400 мыңнан астам қазақ тұрады.

Дамир Қалдыбаев, Ташкент Облысы қазақ ұлттық мәдени орталығының төрағасы:

– 130-дан артық мектеп бар, аралас мектеп, қазақ мектебі. Оған қоса Абайдың өлеңдерін өзбек тіліне аударып, Науаидің өлеңдерін қазақ тіліне аударып, екі ақынды дәріптеу жұмыстарын бастағанбыз. Сан жағынан келгенде қазақтар өзбектерден кейін екінші орында тұрады.

Хабар 24 телеарнасы