USD 446.33
EUR 485.56
RUB 5.04
Ресейдің Мәскеу облысының Ногинск қаласындағы 9 қабатты үйдегі газдың атылуынан қаза тапқандардың саны артып, 5-ке жетті, деп хабарлайды «Хабар 24».
Тағы 17 адам жарақат алды. Бастапқыда құтқарушылар апаттан кейін 2 адамның денесін тапқан еді. Кейін екі тұрғын мен бір жасөспірім қыздың мәйітін шығарып алды. Тағы 5 адамның халі белгісіз. Қазір апат орнында іздестіру-құтқару жұмыстары жалғасып жатыр.
Еске сала кетейік, кеше Мәскеу қаласына жақын жердегі Ногинск қаласында 9 қабатты үйде жарылыс болған еді. Апат тұрмыстық газдың ауаға тарауынан болған деген болжам бар. Жарылыстан ғимараттың бір бөлігі опырылып құлап қалды. Оқиғаға қатысты тергеу жүріп жатыр.
