Тәліптер бұрынғы шенеуніктердің ақшасын тәркіледі 

Ауғанстанда тәліптер арнайы ұйымдастырылған рейд барысында елдің бұрынғы шенеуніктерінен 12 млн доллар мен алтынды тәркіледі.

Жиналған қаражат елдің орталық банкіне тапсырылды. Қазір Ауғанстанда қағаз ақша тапшылығы пайда болды. Аймақтағы көптеген банктердің жабылуына шақ қалды. Ақпарат көздерінің хабарлауынша, билік басына келген тәліптер орын алған жағдайға қатысты тергеу жүргізген болатын. 

Айта кетейік, өткен аптада Ауғанстанның орталық банкі бұрынғы биліктегі саясаткерлердің шотын бұғаттап тастау керек дегенді алға тартқан еді.