426,32 492.05 5.98
+7 (7172) 757 485 24kz@khabar.kz

БҰҰ Бас Ассамблеясына келген Бразилия министрі коронавирус жұқтырды

  • 138
  • UPD: 18:44, 22.09.2021
БҰҰ Бас Ассамблеясына келген Бразилия министрі коронавирус жұқтырды

АҚШ-та жүрген Бразилияның денсаулық сақтау министрінің коронавирус жұқтырғаны белгілі болды, деп хабарлайды «Хабар 24».

Ол Нью-Йорктегі Бас Ассамблеяға Бразилия президентімен бірге еріп келген болатын. Енді министр еліне қайтпай, шаһарда 14 күндік карантинге қалады. Жанында болған делегация мүшелерінің барлығы ПТР-тест тапсырып, алдағы күндері қашықтан жұмыс істейді.

Айта кеткен жөн, кеше ғана Бразилия президентін Нью-Йорктегі мейрамханаға кіргізбей қойған еді. Өйткені ол коронавирусқа қарсы вакцина салдырмаған. Мемлекет басшысының жанында осы денсаулық сақтау министрі де болған. Бүкіл делегацияға тамақтану орнының сыртында ас ішуге тура келді.

Хабар 24 телеарнасы