Оңтүстік Корея дәрігерлері COVID-19 емдеудің жаңа әдісін ойлап тапты

Мамандар арнайы аппарат арқылы науқастың дене қызуын көтере отырып, вирустан арылтуға болады дейді.

Дәрігерлер бұл әдісін Сеулде өткен халықаралық конференцияда көрсетті. Ғалымдардың айтуынша, жаңа аппарат арқылы адам ағзасында вирусты жоятын температура қалыптастырады. Бүгінге дейін бұл әдіс ковидке шалдыққан 20 науқастың сауығып кетуіне септігі тигізген. Қазірдің өзінде бұл құрылғы елдің 100-ге жуық клиникасында бар. Енді емдеудің бұл әдісі вирустарды зерттейтін халықаралық альянста зерттеліп жатыр.

Ким Сон Ман, вирустарды зерттейтін халықаралық альянстың вице-президенті:

– Вирус адам ағзасындағы 36-37 градус температурасына жақсы бейімделеді. Сондықтан онымен күресу үшін дене қызуын әдейі көтеру арқылы вирусты әлсіретуге болады. Иммунитеттің жасушалары жұмыс істей бастайды. Оның ішінде табиғи өлтіруші жасушалар (NK жасушалары) маңызды рөл атқарады. Олар вирустың көзін құртады. Дәрі тек жасушаның бір бөлігін ғана емдесе, табиғи өлтіруші жасушалар вирусқа шалдыққан барлық жасушаны жойып жібереді.