Ауғанстан астанасында кітап дүкендерінің 95 проценті жабылып қалды

Кабулда соңғы екі айда кітапхана, баспа және кітап дүкендерінің 95 проценті жабылған.

Оған елдегі экономикалық ахуал себеп. Өйткені, Ауғанстан экономикасы соңғы 20 жылда халықаралық қаржылай көмектің арқасында дамып келген. Бірақ тәліптер билікті басып алғалы көптеген халықаралық ұйым мен мемлекет Ауғанстанға қаржылай қолдауды тоқтатып, оған тиесілі есеп-шоттарды бұғаттап тастады. Салдарынан ұлттық валюта құнсызданып, азық-түлік бағасы шарықтап кеткен.