426,32 496.50 6.01
+7 (7172) 757 485 24kz@khabar.kz

Сингапурда робот-полицей тәртіпті қадағалайды

  • 109
  • UPD: 14:03, 08.10.2021
Сингапурда робот-полицей тәртіпті қадағалайды

Сингапурда робот-полицей пайда болды. «Хавьер» есімді құлтемір, қала көшелері мен ғимараттарындағы тәртіптің сақталуын қадағалайды.

Инновациялық құралды елдің Ғылым және технология агенттігі жасап шығарған. 4 дөңгелекпен қозғалатын робот-полицейдің 7 көзі, яғни камерасы бар.

Билік өкілдерінің айтуынша, осындай 2 құлтемір қыркүйек айында жұмысқа кіріскен. Сақшы роботтар «мотоциклді жолға қоймаңыз», «жаяу жүргіншіге жол беріңіз» деген сияқты ескертулерді дауыстап айтып жүреді. Сондай-ақ «Хавьер» рұқсат етілмеген орында темекі шекпеу және арақашықтық сақтау, көп адам жиналмау туралы, коронавирус талаптарының сақталуын да бақылайды.

Ұйымдастырушылардың мәлімдеуінше, алдағы уақытта робот-полицейдің саны көбеюі мүмкін.

Хабар 24 телеарнасы