Италия Роттердамдағы Maneskin тобының жеңісінен кейін ән байқауын өткізу құқығына ие болған.
Бүгін халықаралық ән байқауының қай қалада өтетінін жариялады.
2022 жылы «Евровидение» ән байқауы Италияның Туринінде ұйымдастырылады. Бұл туралы 8 қазанда ANSA хабарлады.
Итальяндық Rai мемлекеттік радио-телевидение корпорациясы басшылығының ресми хабарламасы да жарияланатын күн алыс емес, дегенмен Туриннің кандидатурасы мақұлданып қойған.
Солтүстік әкімшілік орталығынан бөлек байқауды өткізуге Милан, Болонья, Римини және Пезаро қалалары да үміткер болды.