426,32 496.50 6.01
+7 (7172) 757 485 24kz@khabar.kz

Ресейде коронавирустан көз жұмғандар саны тағы да рекордтық көрсеткішке жетті

  • 111
  • UPD: 23:33, 08.10.2021
Ресейде коронавирустан көз жұмғандар саны тағы да рекордтық көрсеткішке жетті

Ресейде соңғы тәулікте коронавирус инфекциясынан көз жұмғандар саны 936 адамға жетті. Бұл пандемия кезіндегі ең жоғарғы көрсеткіш.

Естеріңізге сала кетейік, бұған дейін елде коронавирустан 895 адам көз жұмып, антирекорд тіркелгенін айтқан болатынбыз.

Сейсенбі күні РФ вице-премьері Татьяна Голикова үкімет мүшелерімен жиналыста осы жылдың қыркүйек айында КВИ-ге шалдыққандар саны 31 процентке жетіп, 100 мың адамға шаққанда 88 жағдайды құрағанын хабарлаған болатын.

«Бес аптадағы орташа апталық көрсеткіш 100 мың тұрғынға шаққанда 96,9 адамды құрады. Бұл өткен жылмен салыстырғанда 3,1 есе көп», – деді Татьяна Голикова.

Сондай-ақ, ол профилактика аясында жалпы 47,4 млн ресейлік вакцинаның бірінші компонентін алғанын, ал 42,2 млн адам толықтай екпе ектіргенін айтты. Ауырғаннан кейін және қайта вакцина алғандар саны – 1,9 млн адам. Ұжымдық иммунитетке жету үшін тағы да 35,9 млн адам алғашқы екпе алуы тиіс.

Соңғы тәулікте Ресейдің барлық өңірінде 27 246 адам коронавирус жұқтырған. 

Хабар 24 телеарнасы