Бразилия президентін футболдан ел чемпионатына кіргізбей қойды

Өйткені оның коронавирусқа қарсы вакцина салдырғанын растайтын құжаты болмаған, деп хабарлайды «Хабар 24».

Көпшілік Жаир Болсонаруды індеттің қаупін жіте бағаламайды деп сынайды. Өйткені ол коронавирус жай ғана тұмау дегеннен таймай, қатаң карантин енгізуге қарсы болған. Сөйте келе өзі былтыр індет ілмегіне ілінді. Ал Бразилия қазір вирустан көз жұмғандар саны бойынша әлемде екінші орында тұр. Мұнда қатерлі дерттен 600 мың адам қайтыс болды.