Қытайда экономикалық өсім баяулады

Қытай экономикасы баяулап қалды. Бұған елдегі электр қуатының тапшылығы, шикізаттың қымбаттауы мен жылжымалы мүлік нарығындағы тұрақсыздық себеп болып отыр.

Сарапшылардың айтуынша, шілде мен қыркүйек айларында елдің жалпы ішкі өнімі 4,9 процентке ғана өскен. Статистика бойынша бұл жыл басынан бері ең төменгі көрсеткіш. Мамандар экономиканың құлдырауына Ковид-19 пандемиясы да өз ықпалын тигізгенін айтады. Мәселен, карантиндік шараларға байланысты тауарлардың дер кезінде жеткізілмеуі сауда нарығына кері әсерін тигізді.