430,43 492.25 5.92
+7 (7172) 757 485 24kz@khabar.kz

Үндістанда коронавирусқа қарсы вакцинаның бір миллиардтан астам дозасы салынды

  • 103
  • UPD: 17:53, 21.10.2021
Үндістанда коронавирусқа қарсы вакцинаның бір миллиардтан астам дозасы салынды

Сөйтіп Үндістан тиісті межеге жеткен екінші мемлекетке айналды, деп хабарлайды Хабар 24.

Қыркүйектің басында Қытай да осындай көрсеткішке қол жеткізген.

Айта кетейік, биыл көктемде Үндістандағы эпидахуал күрт нашарлап кеткен еді. Ауруханаларда тыныс алуы қиындаған талай науқас оттегі балондарының тапшылығынан көз жұмды. Тәуліктік өсім 400 мыңнан асып кеткен кездері де болған. Ал қазір бұл көрсеткіш шамамен 15 мыңға дейін төмендеген. Мамандар ахуалдың жақсаруын вакциналау қарқынының үдей түсуімен байланыстырады

Сринат Редди, Үндістан қоғамдық денсаулық сақтау қорының президенті

- Биыл сәуір мен мамыр айларында еліміздегі эпидахуалдың күрделі болғаны бәріне мәлім. Сондықтан 1 миллиардтық көрсеткішке қол жеткізу - біз үшін үлкен жетістік. Кейбіреулер сол кездерді ұмытып, енді ондай сұмдық қайталанбайды деп ойлауы мүмкін. Алайда жағдайдың әп-сәтте өзгеруі ықтимал. Сондықтан вакциналау көрсеткіштерін мүмкіндігінше арттыра беруіміз керек. Кейбір азаматтар екпенің бірінші компонентін алғаннан кейін екіншісін салдырмай созып жүріп алады. Бұған жол бермеуіміз керек.

Хабар 24 телеарнасы