Электромобиль жасайтын америкалық Tesla компаниясы әлемде ең қымбат авто өндіруші атанды.
Reuters агенттігінің хабарлауынша, жуырда автоконцерн көліктерді жалға берумен айналысатын Хэртц ((Hertz)) фирмасымен келісім-шартқа отырған. Осыдан кейін Tesla-ның нарықтағы капитализациясы 1 триллион доллардан асып жығылды. Ал акциясы 15 процентке артты. Илон Масктың дәулеті енді 249 млрд доллар деп бағаланып отыр.
Құжатқа сәйкес, Хэртц компаниясы Илон Масктың корпорациясына құны 4 млрд доллар болатын 100 мың көлікке тапсырыс берген. Шарт бойынша Tesla өз міндеттерін 2022 жылдың соңына дейін орындауы тиіс.