Жұрт саяхаттауын қоймаса ковидтің жаңа штамдары шыға береді – Ғалымдар

Ресейдегі Гамалея атындағы орталықтың вирусологы Александр Бутенко коронавирустың жаңа штамдары пайда болуы мүмкін екенін ескертеді.

Айтуынша, тұрғындардың көбі эпидемиологиялық ахуалға қатысты енгізілген қатаң карантинге қарамастан шет мемлекеттерге саяхаттай бастаған. Ал елге оралғанда инфекцияның жаңа штамдарын жұқтырып келуі мүмкін. Бұл өз кезегінде онсыз да көңіл көншітпейтін эпидахуалды одан бетер ушықтырып, денсаулық сақтау саласына салмақ түсіреді.

Естеріңізге салайық, Ресейде қазанның 30-ынан қарашаның 7-сіне дейін демалыс күндер деп жарияланды. Жергілікті билік бұл қадамға коронавирус індетінің таралуын тежеу үшін барды.