434.16 493.30 5.87
+7 (7172) 757 485 24kz@khabar.kz

Францияның 66 миллионға жуық тұрғынының 80% КВИ-ге толығымен егілді

  • 81
  • UPD: 22:42, 10.11.2021
Францияның 66 миллионға жуық тұрғынының 80% КВИ-ге толығымен егілді

Францияның 66 миллионға жуық тұрғынының 51 миллионы (80%) КВИ-ге толығымен егілді. Бұл туралы Президент Эммануэль Макрон хабарлады. Және бұл Францияны әлемдегі ең қорғалған елдердің біріне айналдыратынын атап өтті.

Бірақ сонымен бірге ол сақтық шаралары туралы да еске салды, өйткені пандемия әлі аяқталған жоқ.

«Ондаған мың отандасымыз Covid-19-дың ұзаққа созылатын түрімен ауырады, бұл иіс жоғалуы және психикалық денсаулығының нашарлауы сияқты белгілерде көрінеді. Әлем халқы толық вакцинацияланғанға дейін біз вирустармен және оның штамдарымен өмір сүріп үйренуі керек», – деп қорытындылады Макрон.

Францияда КВИ-ге қарсы иммунизацияға 12 жастан бастап рұқсат етілген. Президент тағы бір мәрте азаматтарды қалыпты өмір сүру үшін вакцинациядан өтуге шақырды.

Индонезия қайырымдылық көмек аясында Нидерландыдан коронавирусқа қарсы вакцинаның үлкен партиясын алды.

Жалпы, Голландия Үкіметі Moderna вакцинасының 680 400 дозасын жіберді.

Бұрын Индонезияға Moderna препаратының 819 600 дозасы берілді. Қазіргі уақытта елде коронавирусқа қарсы вакцинасының 331 058 750 қоры бар. Джакартаның ресми мәліметтері бойынша, кем дегенде бірінші компонентпен 125 394 487 адам (45,8 %) егілді, 79 212 475 азамат (29 %) коронавирусқа қарсы толық иммундау курсынан өтті. Индонезия SARS-CoV-2-ге қарсы вакцинация көрсеткіші бойынша бес елдің қатарына кіреді.

Хабар 24 телеарнасы