431,41 450,91 6,80
+7 (7172) 757 485 24kz@khabar.kz

Еурокомиссия вакциналауды міндеттеуге шақырды

  • 172
  • UPD: 22:28, 01.12.2021
Еурокомиссия вакциналауды міндеттеуге шақырды

Еурокомиссия президенті Урсула фон дер Ляйен Еуроодақ вакциналауды міндеттеу мәселесін қарастыруы тиіс екенін айтты, деп хабарлайды «Хабар 24».

Вакциналау деңгейі жоғары болғанымен, қазан айынан бастап Еуроодаққа мүше елдердің көбінде індет қайта өршіп кетті. Дегенмен індеттің бұрынғы толқындарымен салыстырғанда, ауруханаға жататын науқастар мен өлім саны азайған. Еуропа елдері санитарлық шараларды күшейтіп, тіпті локдаун жариялау мүмкіндігін қарастырып жатыр. Еурокомиссия жариялаған мәлімдемемеде Еуроодақ елдері коронавирустың жаңа омикрон штамының тарауына байланысты сапар жасауға шектеу енгізуге және тез арада халыққа үшінші екпе салуға дайын болуы керек делінген. 

Урсула фон дер Ляйен, Еурокомиссия президенті:

– Еуропалықтардың үштен бір бөлігі вакцина салдырмаған. 150 миллион адам бұл өте көп. Иә, бәріне бірдей екпе алуға болмайды. Арасында кішкентай балалар мен сырқатқа шалдыққан адамдар бар. Алайда халықтың басым бөлігі вакцина салдыра алады екен. Сондықтан қазір вакциналауды міндеттеу туралы пікірді талқыға салу қажет деп санаймын. Ғылымға сүйенсек, тек толық вакциналау мен үшінші екпені салу ковидке қарсы қорғанысты қамтамасыз етеді.

Хабар 24 телеарнасы