АҚШ Қытайда өтетін қысқы Олимпиадаға бойкот жариялады

АҚШ Қытайға дипломатиялық бойкот жариялады. Осылайша 2022 жылы Қытайда өтетін Қысқы Олимпиада ойындарына өз делегациясын жіберуден бас тартты.

Бұл туралы Ақ үйдің баспасөз хатшысы Джен Псаки мәлімдеді. Айта кетейік, Бейжіңдегі XXIV қысқы ойындар ақпанның 4 мен 20 аралығында өтеді деп жоспарланған.

Джен Псаки, Ақ үйдің баспасөз хатшысы:

- Амеркиандық дипломаттарды және ресми өкілдерді жібермеу арқылы АҚШ-тың позициясын көрсетіп, Қытайдағы адам құқықтарының тапталуына төзе алмайтынымызды көрсеткіміз келді. Ол жердегі сұмдық қалыпты нәрсе емес. Бірақ бұл шектеудің сопртшыларға қатысы жоқ. Олар осы уақытқа дейін тер төгіп, еңбек етті. Олар ойындарға қатыса алады және біздің қоладуымызға 100 процент ие болады. Бірақ ресми делегация Бейжіңге бармайды.