Үш ай бойы елдің есін шығарған Кумбре-Вьеха жанартауы атқылауын тоқтатқан, деп хабарлайды Хабар 24.
Десек те ғалымдар босаңсуға әлі ерте дейді.
Айтуларынша, атқылау әлі жалғасуы мүмкін.
Айта кеткен жөн, Испанияның Канар аралдарындағы Кумбре-Вьеха биыл қыркүйекте кейінгі 50 жылда алғаш рет оянған еді. Жанартаудың атқылауына байланысты мыңдаған адам эвакуацияланды. 3 мыңға жуық ғимарат қирап қалды. Арал тұрғындарының негізгі табыс көзі саналатын банан плантациялары бүлінген. Ғалымдар бұған дейін жанартаудың осыншама ұзақ уақыт атқыламағанын айтады.