Таиланд билігі бүгіннен бастап шетелдік туристер үшін елге кіру ережелерін қатаңдатты. Оған омикронның тез таралуы себеп.
Бұған дейін екпенің екі дозасын салдырған демалушылар карантиннен босатылатын. Олардан ПТР-тест қана талап етілетін. Енді бұл ереже күшін тоқтатады. Яғни, бүгіннен бастап шетелдік саяхатшылар 7 күнге карантинге жатқызылады.
Танакорн Вангбунконгчана, Таиланд үкіметінің ресми өкілі:
– Тэст энд Го және Сэндбокс бағдарламалары уақытша тоқтатылады. Яғни, сырттан келген демалушылар карантинде болуға міндеттеледі. Тек Пхукет аралында ғана бұрынғы ережелер сақталады. Жаңа талап келер жылдың 4 қаңтарына дейін күшін жоймайды.