Коронавирустың омикрон түрін жұқтырғандардың дельта штамына шалдыққандарға қарағанда ауруханаға түсу көрсеткіші 45 процентке аз, деп хабарлайды Хабар 24.
Мұны Лондон империялық колледжі ғалымдарының зерттеуі көрсетіп отыр. Шара желтоқсанның 1-і мен 14-і аралығында Англиядағы ауруханаларға түскен науқастарды бақылау арқылы жүргізілген.
Айта кетейік, бұған дейін Оңтүстік Африкада да қазан-қараша айында зерттеу жүргізіліп, омикронға шалдыққандар өзге штамдарды жұқтырғандарға қарағанда ауруханаға 80 процентке аз түскені анықталған болатын.