БҰҰ Халықаралық қауымдастықтан Филиппинде «Рай» дауылынан қатты зардап шеккен аудандарға көмек ретінде 107 миллион доллар бөлуді сұрады, деп хабарлайды Хабар 24.
Қаржы Карага мен Шығыс Висайяның 530 мыңдай адамына алдағы 6 ай бойы қолдау көрсету үшін жұмсалады. Желтоқсанның 16-сы күні Филиппиннің 6 аймағында «Рай» дауылы соғып, 300-ден астам адам опат болды. Тағы 600-ден аса тұрғын жарақат алды. Табиғат апатынан 200 мыңға жуық үй қирап, 630 мыңнан аса тұрғын қауіпсіз жерге көшуге мәжбүр болды.
Лорна, тұрғын:
– Рай дауылы жақындағанда бізді мектепке эвакуациялады. Дүлей желден кейін бірден үйге қайта оралдық. Бірақ қатты дауыл баспанамызды түк қалдырмай талқандап кеткенін көрдік.