Ауғанстанның ізгілікті насихаттау және келеңсіздіктердің алдын алу министрлігі көлік иелеріне ер адамсыз жүрген әйелдерді тасымалдауға болмайды деген нұсқау берді, деп хабарлайды «Хабар 24» Аljazeera.com сілтеме жасап.
«72 км-ден астам қашықтықта жүрген әйелдерге жақын отбасы мүшелері еріп жүрмесе, олар көлікке мінбейді», - деді министрлік өкілі Садек Акиф.
Талибан сонымен қатар барлық көлік иелерін хиджаб таққан әйелдерге ғана қызмет көрсетуге шақырды.
Сонымен қатар қоғамдық көліктерде музыка қосуға тыйым салынды.