434,34 496,10 5,64
+7 (7172) 757 485 24kz@khabar.kz

Жапонияда әлемдегі ең қарт адам 119 жасқа толды

  • 99
  • UPD: 23:28, 02.01.2022
Жапонияда әлемдегі ең қарт адам 119 жасқа толды courtesy of Fukuoka Prefecture

Орыс-жапон соғысы басталғанға дейін бір жыл бұрын дүниеге келген әлемдегі ең қарт адам Кане Танака жексенбі күні Жапонияның оңтүстік-батысында 119 жасын атап өтті, деп хабарлайды ҚазАқпарат Жапонияның Kyodo агенттігіне сілтеме жасап.

1903 жылы 2 қаңтарда Фукуока префектурасында дүниеге келген Танака Жапонияда Мэйдзи, Тайсё, Сёва, Хэйсэй және қазіргі Рейва дәуірлерін бастан өткерді.

Отбасы мүшелерінің айтуынша, 120 жасқа дейін өмір сүруден үміттенеді. 1903 жылы дүниеге келген көрнекті адамдар арасында британиялық жазушы Джордж Оруэлл, кинорежиссер Ясудзиро Одзу және жапон ақыны Мизузу Канеко бар. Танака 2019 жылдың наурыз айында 116 жастағы ең кәрі адам ретінде танылып, Гиннестің рекордтар кітабына енді. Сонымен қатар ол туғанына 117 жыл 261 күн толғанда Жапонияда рекордтық жасқа жетті. Фукуокадағы қарттар үйінде тұратын Танака ондағы қызметкерлермен ым-ишара арқылы араласады және сандық жұмбақтарды шешу арқылы өзін жиі сынайды. Ол шоколад пен газдалған сусындарды жақсы көреді. Тоғыз ағайындының ішіндегі жетіншісі Танака 19 жасында тұрмысқа шықты. Күйеуі мен үлкен ұлы 1937 жылы басталған екінші Қытай-Жапон соғысы кезінде шайқасқа кеткенде, ол кеспе жасап сатып отбасын асыраған.

Хабар 24 телеарнасы