435,10 496,10 5,68
+7 (7172) 757 485 24kz@khabar.kz

Австралияда коронавирус індеті қайтадан ушығып барады

  • 55
  • UPD: 19:25, 04.01.2022
Австралияда коронавирус індеті қайтадан ушығып барады

Сейсенбі күні Австралияда коронавирус жұқтыру бойынша антирекорд тіркелді.

Халық тығыз қоныстанған Жаңа Оңтүстік Уэльс штатында 23 131 науқас, ал Виктория штатында 14 020 науқас анықталды. Жалпы бүкіл ел аумағында бір күнде ауру жұқтыру көрсеткіші 50 мыңнан асып кетті. Елде індеттің өршуі денсаулық сақтау жүйесіне үлкен ауыртпалық түсіріп отыр. Австралияның үш өңірінде тестілеу орталықтары жабылып жатыр. Виктория штатында осындай 54 мекеме жұмысын тоқтатты. Бұған мамандардың жетіспеуі немесе зертханаларда жұмыстың тым көбейіп кетуі себеп болған. Мамандар күні-түні және демалыссыз жұмыс істеп келді. Зертханаларда өңделмеген сараптама толып кетті. Ірі қалаларда жұрт тестілеуден өту үшін түнде ұзын-сонар кезекке тұруға мәжбүр болған.

Джерун Веймар, Виктория штаты COVID-19 дертіне төтеу қызметінің жетекшісі:

- Қазір вирус тез тарап жатыр. Бөлмеде маска тағып, көшеде жүргенде және өзге адамдармен араласқанда сақтық шараларын сақтау керек. Сонда ғана індеттің таралуын бәсеңдете аламыз. Кейінгі 10 күнде ауруханаларда орын толып кетті. Сондықтан осындай шараға баруға мәжбүрміз.

Хабар 24 телеарнасы