433,90 496,10 5,72
+7 (7172) 757 485 24kz@khabar.kz

Үндістанда темір жол апатынан тоғыз адам мерт болды  

  • 61
  • UPD: 17:02, 14.01.2022

Үндістанның шығысындағы темір жол апатынан 9 адам мерт болды, деп хабарлайды «Хабар 24».

Оқиғадан тағы 45 жолаушы түрлі жарақат алған. Олардың 10-ы ауыр халде жатыр. Белгілі болғандай, Батыс Бенгалия штатында жолаушылар пойызының 12 вагоны шойын жолдан шығып кеткен. Апатқа нақты не себеп болғаны әзірге белгісіз.

Оқиғаға қатысты тергеу ісі басталды. Қазір апат орны қоршалды. Құтқарушылар жұмысын жалғастырып жатыр. Мамандар вагон ішінде тағы адам болуы мүмкін дейді. Ал жергілікті билік апаттан қаза тапқандардың отбасыларына 6 мың 700 доллар, ал жарақат алғандарға 1 мың 300 доллар жәрдемақы төленетінін хабарлады.

Хабар 24 телеарнасы