Жаңа Зеландияда омикрон штамының таралуына байланысты қауіптің «қызыл деңгейі» жарияланды.
Енді елде шектеу шаралары күшейтіледі.
Шараларға сәйкес, тұрғындар маска тағуға міндеттеледі. Ғимаратқа кірер алдында азаматтар ковид-төлқұжат көрсетуі керек. Сонымен қатар сақтық мақсатында іс-шараларға 100 адамнан артық қатысуға тыйым салынады.
Джасинда Ардерн, Жаңа Зеландия премьер-министрі:
- Мақсатымыз омикрон штамының таралуын барынша тежеу. Осыған байланысты елде ревакциналау ісі қолға алынып, бұқаралық іс-шаралар өткізуге шектеу енгізілді. Соның арқасында еліміздің денсаулық сақтау жүйесіне түсіретін жүктемені азайтқымыз келеді.