460,95 484,00 8,66
+7 (7172) 757 485 24kz@khabar.kz

Ұлыбритания Украинадағы өз дипломаттарын алып кете бастады

  • 143
  • UPD: 17:39, 24.01.2022
Ұлыбритания Украинадағы өз дипломаттарын алып кете бастады

Ұлыбритания Киевтегі өз елшілігінің кейбір қызметкерлері мен олардың туыстарын алып кете бастады.

Бұл Украина мен Ресей шекарасындағы ахуалға байланысты қабылданған шешім. Десе де, британдықтар дипломатиялық миссия жұмысын жалғастыра беретінін жеткізді.

Айта кеткен жөн, бұған дейін америкалықтар да Украинадағы кейбір дипломаттары мен олардың отбасы мүшелеріне елге қайтуға рұқсат берген. Ал соңғы мәлімет бойынша, Беларусьтегі АҚШ елшілігі өз азаматтарын сақ болуға шақырды. Яғни кісі көп жиылатын жерге бармауға, сондай-ақ төтенше жағдай бола қалса, елден кету жоспарын әзірлеуге кеңес берілді. Бұл да Ресеймен арадағы шекарадағы ахуалға байланысты жасалған ескерту.

Хабар 24 телеарнасы