Google платформасында ресейлік БАҚ-тың пайда табуына тыйым салынады

«Гугл» компаниясы мемлекет тарапынан қаржыландырылатын Ресейдің бұқаралық ақпарат құралдарына «Ютуб» секілді өз платформалары мен қосымшаларында пайда табуға тыйым салады.

Енді олар табыс табу үшін корпорацияның жарнамалық технологияларын қолдана алмайды. Бұған дейін Фейсбук және Инстаграм әлеуметтік желілеріне иелік ететін Мета компаниясының басшылығы да осындай шешім қабылдаған еді. Яғни Ресейдің мемлекеттік бұқаралық ақпарат құралдарына пайдаға кенелу мақсатында өз платформасын қолданып, жарнама жария етуге тыйым салды.