Грузия жұрты қазақ халқына алғыс айтты. Бүгін бұл елдің ұстаздар одағы Қазақстанға арналған шығармалар сайысының қорытындысын жариялады.
Сайысқа Ақмола облысындағы Алжир лагері арқау болған. Грузия оқушылары бір жыл бойы қуғын-сүргін кезіндегі оқиғалар туралы мәлімет жинапты. Арасында зұлмат жылдары Қазақстанға жер аударылған грузин жазушыларының аналары туралы ақпарат бар.
Додо Сордия, грузин тілі мен әдебиетінің мұғалімі:
– Осы деректермен жұмыс істегенде, қатты уайымдадым. Сол адамдармен тозаққа түскендей болдым. Бұл қасірет ешқашан қайталанбасын.