Ресей мен Беларусь Бейжіңдегі Паралимпиада ойындарынан шеттетілді

Украинадағы жағдайға байланысты Ресей мен Беларусь спортшылары Бейжіңдегі паралимпиада ойындарынан шеттетілді.

Шешім Халықаралық паралимпиада комитетінің арнайы отырысында қабылданды. Себебі көптеген елдің құрамалары мен спортшылары Ресей және Беларусь спортшыларымен сайысқа түсуден бас тартып, жарыстың өтпей қалу қауіпі күшейген. Бұған дейін халықаралық паралимпиада комитеті Ресей мен Беларусь спортшыларын жарысқа бейтарап мәртебемен қатыстырмақ болған. Бейжіңдегі паралимпиада ойындары наурыздың 4-і мен 13-і аралығында өтеді.