Австралияның халық ең тығыз орналасқан Жаңа Оңтүстік Уэльс аймағында жаңбыр тағы селдетіп, мыңдаған адам эвакуацияланды.
Сидней қаласында тасқын жүріп, шаһардың көп бөлігін су басып жатыр. Табиғи апаттан 2 адам опат болды. Марқұмдардың денесін құтқарушылар көлік ішінен тауып алды. Ауа райын болжаушылар аймақтың өзге өңірлерінде де су тасқыны қаупі барын айтады. Кейінгі екі аптада Австралияның шығыс бөлігінде жаңбыр қайта-қайта жауып, өзендер арнасынан тасып көп мекенді су басқан. Табиғи апаттан 19 адам көз жұмған.