Тунис жағалауында 750 тонна дизель отыны тиелген танкер суға кетті, деп хабарлайды «Хабар 24».
Кеме Экваторлық Гвинея Республикасының туымен Египеттен шығып Мальтаға бет алған екен. Ауа-райының қолайсыздығына байланысты экипаж алдында Тунис аумағына өтуге рұқсат сұраған болып шықты. Кейін Габес шығанағында танкердің астынғы бөлігіне су кіріп, апатқа ұшыраған. Құтқарушылар борттағы 7 адамды құтқарып үлгерді. Тунис билігі әзірше жанармайдың суға төгілу қаупі жоқ екенін айтады. Экологиялық апаттың алдын алу үшін арнайы комиссия құрылды.