Өлім жазасына кесілген қылмыскер түрме қызметкерімен бірге қашып кетті – АҚШ

BBC ақпарат агенттігінің хабарауынша, АҚШ-тың Алабама штатында өлім жазасына кесілген 38 жастағы рецидивист Кейси Уайт түрмеден қашқан. Ол бір өзі кетпеген, онымен бірге 25 жыл түрмеде қызмет атқарған күзетші әйел де қашқан.

Түрме қызметкері Викки Уайттың жоғалуына байланысты билік екі түрлі болжам айтты. Қылмыскердің күзетшіні кепілге алуы мүмкін екенін немесе ол Уайтқа өз еркімен көмектесті деген нұсқаларды қарастыруда. Қылмыскер түрмеден жұма күні таңертең қашқан. 56 жастағы Викки Уайт рецидивистті түрмеден өзі шығарып, басшылыққа оны психиатрға қаралуға апара жатқанын айтқан. Кейін белгілі болғандай, бұл күні ешқандай консультация белгіленбеген. Ал Уайттың өзі хаттамаға сәйкес әрекет етпеген, ережеге сәйкес түрменің сыртында қауіпті қылмыскерді екі күзетші бірге алып жүруі тиіс. Уайт әріптестеріне қылмыскерді сотқа қалдырып, өзі дәрігерге баратынын айтқан. Кейін оның бұл күні дәрігерге қаралмағаны анықталды. Онда Кейси Уайтты апаруы тиіс сот психиатрының жоспарлы сараптамасы да болған жоқ. Вики Уайт Алабамадағы түзеу департаментінде 25 жыл қызмет атқарып, Лодердейл округі түзеу департаменті директорының орынбасары болған. Оның жұмысына тұтқындарды сотқа жеткізу кіреді. Күзетші мен қылмыскер түрмеден жұма күні таңғы сағат 9:00 шамасында шығып кеткен, ал таңғы сағат 11.00 кезінде оның бос патрульдік көлігі сауда орталығындағы көлік тұрағынан табылған. Лодертейл округінің шерифі Синглтонның айтуынша, Уайт түрмеден қашуды 2020 жылы да жоспарлаған, бірақ ойы іске аспады.