476,27 474,60 7,83
+7 (7172) 757 485 24kz@khabar.kz

АҚШ-та қыз-келіншектер түсік жасауға тыйым салатын заңға қарсы шықты

  • 302
  • UPD: 21:26, 04.05.2022
АҚШ-та қыз-келіншектер түсік жасауға тыйым салатын заңға қарсы шықты

АҚШ-та абортқа тыйым салу туралы заңға қарсы толқулар басталды, деп хабарлайды «Хабар 24».

АҚШ-та жасанды түсік жасатуға тыйым салуды көздейтін заң жобасына қарсы жаппай наразылық акциялары өтіп жатыр. Бүкіл елде мыңдаған адам көшеге шықты. Бәрі жоғарғы соттың абортқа қарсы заңды күшейту жоспарына қарсы. Қыз-келіншектер қолдарына плакат ұстап, «менің тәнім, менің таңдауым», «Әйелдерге қарсы соғысты тоқтатыңдар» деп ұрандатты.

Летиция Джеймс, Нью-Йорк штатының бас прокуроры:

Өз тәнім өзім білем. Жоғарғы соттың денемізді қалай пайдалануды көрсететін әрекеттеріне жол бермеймін. Өз болашағым мен тағдырыма қол соғуларына қарсымын.

Абортқа тыйым салуға қарсы шерулер Американың ірі қалаларының барлығында дерлік өтіп жатыр. Кей өңірлерде жағдайдың күрделене түсуіне байланысты тәртіп сақшылары күшейтілген жұмыс режиміне көшті. Лос-Анджелес полициясы қала бойынша тактикалық дабыл жариялады. Өйткені шеру кезінде демонстранттар полицейлерге тас пен бөтелке лақтыра бастаған. Салдарынан бір офицер жарақат алған.

Хабар 24 телеарнасы