Қытайда ғимарат қирап, үйінді астында қалған 53 адам мерт болды

Бүгін Қытайдың Шаньси провинциясында құрылыс материалдар өндіретін цех ғимараты опырылып, бірнеше адам үйінді астында қалып қойды, деп хабарлайды ҚазАқпарат.

Орталық Қытай телеарнасының мәліметінше, жұма күні таңертең ҚХР солтүстігіндегі Шаньси провинциясы Цзиньчжун қалалық округінде құрылыс материалдарын өндіретін цех ғимараты опырылған. Оқиға салдарынан бірнеше адам ғимарат ішінде қалып қойған. Оқиға орнында құтқару жұмыстары жүріп жатыр. Жергілікті билік 53 адамның мерт болғанын растады. Үйінді астынан 10 тұрғын шығарылды. Іздеу-құтқару жұмыстары аяқталды. Жергілікті БАҚ мәліметінше, полиция құлаған ғимараттың иесін ұстаған. Құқық қорғау органдары тергеу жұмыстарын жүргізіп жатыр.