470,90 450,91 8,85
+7 (7172) 757 485 24kz@khabar.kz

Солтүстік Кореяда коронавирус індеті өршіп барады

  • 121
  • UPD: 11:25, 13.05.2022

Солтүстік Кореяда коронавирус індеті дендеп барады.

BBC агенттігінің хабарлауынша, қауіпті дерттен 6 адам көз жұмды. Тағы 18 мың тұрғынға ковид диагнозы қойылды.

Солтүстік Корея басшысы елде төтенше жағдай енгізіп, қатаң локдаун жариялады. Ким Чен Ын аймақтағы барлық қалалар мен уездердің жабылуын талап етті. Пхеньян қаласында анықталған алғашқы науқастар омикрон штамын жұқтырған. Бұдан бөлек сәуір айынан бері елде белгісіз безгек ауруы да пайда болған. Ресми мәлімет бойынша күні бүгінге дейін онымен 350 мың адам ауырған.

Айта кетейік, 2020 жылы коронавирус пандемиясы басталғалы Солтүстік Корея билігі өз елінде вирус жұқтырған бір де бір науқас тіркелмегенін айтқан еді. Ресми Пхеньян тіпті халықаралық Covax бағдарламасы бойынша ұсынылған вакциналардан да бас тартқан болатын. Қазір елдің 26 млн жуық халқы екпенің бір де бір дозасын қабылдамаған.

Хабар 24 телеарнасы