470,90 450,91 8,85
+7 (7172) 757 485 24kz@khabar.kz

Торнадо: АҚШ-та кісі өлімі болып, Германияда 30 адам зардап шекті

  • 136
  • UPD: 11:20, 21.05.2022
Торнадо: АҚШ-та кісі өлімі болып, Германияда 30 адам зардап шекті Reuters

Германияда атмосфералық құйыннан шатырлар қирап, көліктер төңкеріліп, ағаштар құлады, деп хабарлайды «Хабар 24».

Солтүстік Рейн-Вестфалия жеріндегі немістің Падерборн қаласының 30 тұрғыны торнадо кезінде жарақат алды. Қала билігі адамдарды құтқару жұмыстарына кедергі келтірмеуге және басын қауіп-қатерге тікпеуге шақырды.

Липпштад қаласы да қатты зардап шекті. Онда шіркеу төбесі құлап түсті. DPA ақпарат агенттігінің мәліметінше, 100-ден аса адам ашық бассейнде қамалып қалған, өйткені құлаған ағаштар жолды жауып тастаған. Оқиға орнына қаланың барлық құтқарушылары жіберілді.

Метеорологтар жұмада Германияның батысы мен орталығында қатты жаңбыр, бұршақ жауып, желдің екпіні сағатына 130 шақырымға жетуі мүмкін деп ескерткен болатын. Ауа райына байланысты бейсенбіде де автомобиль мен теміржол көлігінің қозғалысы бұзылып, жүздеген жертөле су астында қалды.

Сондай-ақ Американың Гейлорд қаласындағы (Мичиган) жойқын құйын салдарынан бір адам қайтыс болып, 40-тан аса адам зардап шеккен.

Хабар 24 телеарнасы