Иран валютасы құнсызданды

"Аль Джазира" ақпарат агенттігінің хабарлауынша, қазір 1 АҚШ доллары 330 мың риалға тең.

Сарапшылар бұған ядролық келісімге қатысты жағдайдың белгісіз болуы тікелей әсер етіп отыр дейді. Сондай-ақ АҚШ-тың парсы еліне салған санкцияларын алып тастау мәселесі де әлі нақтыланбай тұр. Өткен аптада МАГАТЭ басшылығы Иранның ядролық бағдарламасын айыптайтын қарар қабылдады. Бұл құжатты АҚШ пен Еуропа елдері ұсынған болатын. Ресми Тегеран осы шешімнен кейін ядролық нысандарға орнатылған бақылау камераларын біртіндеп ала бастады.