Италияны қуаңшылық жайлады

Италияны құрғақшылық жайлады. Көзкөргендер мұндай жағдай кейінгі 70 жылда болмаған дейді.

Елдің солтүстігінде жаңбыр жаумағанына 4 айдай болып қалды. Елдегі ең ірі По өзені тартылып барады. Ондағы су деңгейі 4 метрге төмендеген. Бұл өзеннің маңызы зор. Өйткені солтүстік аймақтардағы өнеркәсіп пен ауыл шаруашылығын сумен қамтамасыз етеді. Жергілікті фермерлер қауымдастығының мәліметі бойынша биылғы алапат құрғақшылықта бидайдың түсімі 40% дейін азаюы мүмкін.