476,27 474,60 7,83
+7 (7172) 757 485 24kz@khabar.kz

Пәкістан шай импортын қысқартуға мәжбүр

  • 160
  • UPD: 21:33, 19.06.2022
Пәкістан шай импортын қысқартуға мәжбүр

Пәкістан тұрғындарына енді шайды әдеттегіден аз ішуге тура келеді. Жергілікті биліктің пікірінше, осылайша халық ел экономикасына қолдау көрсете алады, деп хабарлайды «Хабар 24».

Мемлекет әлемде шайдың ең ірі импорттаушысы саналады. Мәселен, былтыр бюджеттен оған 600 миллион доллар жұмсалыпты. Бұл сусынды тұтыну мөлшерін азайтудан бөлек билік қоғамдық тамақтану орындарының иелеріне электр қуатын үнемдеуге кеңес берді. Өйткені инфляцияның жылдық деңгейі 14 процентке жуықтаған. Салдарынан тұрмыстық тауарлар, киім-кешек, денсаулық сақтау қызметі, тіпті ішімдік пен шылым бағасы да күрт өскен. Мамырдан бері билік жанармай құнын екі рет көтерді.

 

Хабар 24 телеарнасы