БҰҰ: Ауғанстанда гуманитарлық дағдарыс қайта ушығуы мүмкін

БҰҰ Ауғанстандағы жағдайға алаңдаулы. Өйткені елде гуманитарлық дағдарыс қайта ушығуы мүмкін деген болжам бар, деп хабарлайды «Хабар 24».

Ұйым өкілдері 1000 адамның өмірін қиған зілзала жығылғанға жұдырық болды дейді. Қазір аймақта миллиондаған халық жоқшылық зардабын тартуда. Елде аш құрсақ жүргендердің қатары артып барады. Статистика бойынша өткен жылдың тамыз айынан бері ел экономикасы 40 процент қысқарды. БҰҰ-ның өкілі Мартин Гриффитстің айтуынша, Ауғанстанға гуманитарлық көмек жеткізудің өзі қиынға соғуда. Билікке тәліптер келгелі халықаралық ұйымдардан қаржылық операциялар жасау мүмкін емес.