Португалияда 500 адам мұхиттарды сақтап қалу керек деген ұранмен ереуілге шықты
Португалияның Лиссабон қаласында 500 адам мұхиттарды сақтап қалу керек деген ұранмен ереуілге шықты. Шараға 200-ге жуық жергілікті және халықаралық ұйым қатысқан, деп хабарлайды «Хабар 24».
Наразылық акция Португалияда өтіп жатқан мұхит мәселесіне арналған әлемдік конференция басталғанда ұйымдастырылды. БҰҰ мұрындық болған 5 күндік іс-шараға 120 елдің өкілдері мен ғалымдары тартылды. Онда мұхиттардың жай-күйі мен оларға қатысты түйткілдер жан-жақты талқыға түспек. Мамандар мұхит мәселесі бойынша халықаралық келісімге толықтырулар енгізіп, жаңа шешімдер қабылдауы тиіс.