Британдықтар жасанды интеллект негізінде бірегей бағдарлама жасады

Лондондық стартаперлер жасанды интеллект негізіндегі бірегей бағдарлама жасап шықты.

Оның ерекшелігі сол, небәрі бірнеше минутта адам бетінің 3Д нұсқасын жасап бере алады.

Жоба авторларының айтуынша, адамның сандық егізін жасау үшін бар болғаны бірнеше планшет пен смартфон жеткілікті. Және оның сапасы киноөндірісте қолданылатын суреттен еш кем болмайды, дейді стартаперлер. Сондықтан бағдарлама иелері жақын арада өз өнімдерін компьютерлік ойын, жарнама мен сұлулық салаларына енгізіп көрмек.