Оңтүстік Кореядағы тасқыннан мерт болғандардың саны 11-ге жетті.
Оның алтауы Сеул қаласында, үшеуі Кёнги провинциясында, тағы екі тұрғын Канвондо провинциясында көз жұмды.
Апаттан ізім ғайып жоғалған 8 адам әлі де іздестіріліп жатыр. Табиғат апатынан 3 мыңнан астам баспана мен өзге де ғимарат топан су астында қалды.
Жергілікті биліктің хабарлауынша, мұндай тасқын соңғы 115 жылда болмаған екен.