Ресей азаматтарына Эстонияға өтуіне тыйым салынды

Эстония Ресей азаматтарының елге Шенген визасымен кіруіне тыйым салды, деп хабарлайды «Хабар 24».

Бірақ бұл ереже Эстонияның жоғары оқу орындарын тәмамдап жатқан студенттер мен гуманитарлық себептер бойынша рұқсаты бар адамдарға қатысы жоқ. Сыртқы істер министрінің айтуынша, мұндай шешім Эстония шекарасын транзиттік ел ретінде кесіп өтіп, Еуропаға аттанғысы келетіндер қатарының көбеюімен байланысты. Естеріңізге сала кетейін, дәл осы шараны Еуроодақ Ресей қарсы санкциялардың жетінші пакеті аясында талқылаған болатын. Бірақ одақ елдері әзірге бұл мәселе бойынша ортақ шешімге келе алмай отыр.