Қытайдың көп ауданында биыл мектептегі оқу дәстүрлі форматта өтеді, деп хабарлайды «Хабар 24».
Бірақ коронавирусқа қатысты сақтық шаралары қатаң сақталады. Мәселен, Бейжіңде оқу жылы алдында балаларға кемі 2 апта басқа елді мекенге шығуға тыйым салынады. Ата-аналарына да тиісті талап қойылады. Билік ереженің бұзылмауын арнайы бағдарламаның көмегімен бақылайды. Яғни телефон нөмірі арқылы тұрғындардың кейінгі 2 аптада қайда болғанын біліп отырады. Ал мәселен, Шанхайда оқушылар күнделікті ПТР-тест тапсыруға міндетті. Балабақша тәрбиеленушілері де осындай талапқа бағынуы тиіс.